***
Ана ауылдың бурасы,
Мына ауылдың бурасы,
Желкілдейді шудасы.
(Түтін.)

***
Үккені -тас,
Төккені -ас.
(Диірмен.)

***

Тікірейіп құлағы
Менен бұрын тұрады.
Бойын жазып керіліп,
Беті-қолын жуады.
(Мысық.)

***
Cол аяқ пен оң аяқ,
Кезек оны тебеді.
Ол тынымсыз домалап,
Зыр жүгіре береді.
(Доп.)

***
Үш көзінде жалын-от,
Ал бірақ та жаны жоқ.
Кезектесіп ашылар,
Кезектесіп жұмылар.
(Бағдаршам.)
***
Ат шаптырым аумағы,
Байқалмайды салмағы.
Мың кессең де ол мейлі,
Жүреді,ұшып өлмейді.
(Бұлт.)

***
Төрт аяқтап жүрсе де,
Өмірде бір озбаған.
Көп жыл шешпей келсе де,
Тас пешпенті тозбаған.
(Тасбақа.)
***
Еркін самғап ұшсын деп,
Мәпелейміз,баптаймыз.
Бейбітшілік құсы,- деп,
Қайсы құсты мақтаймыз.
(Көгершін.)

***
Өмірі шықпай үйден бір,
Өз үйін өзі сүйреп жүр.
(Тасбақа.)

***
Бір көзім “кідір: дейді,
Бір көзім “жүгір” дейді.
Бір көзім “абайла” дейді
“Қарап ал маңайға” дейді.
(Бағдаршам.)
***
Бұдан бір қорқады,
Судан бұл қорқады.
(Сабын.)
***
Аяғы жоқ,қолы жоқ,
Таппайтұғын жолы жоқ.
(Хат.)

***
Бойын жерге жасырған,
Бұрышы бар жасылдан.
(Сәбіз.)
***
Бойлаған сайын тереңге,
Шығасын биік белеңге.
(Білім.)
***
Биік тауда өседі,
Белден қарды кешеді,
Өзгертпейді түр-түсін,
Қымбат әрі кез жұрт үшін.
(Шырша.)
***
Қараңғыда жымыңдайды,жанады,
Жарық түссе,бірден сөніп қалады.
(Жұлдыз.)
***
Қанаты бар ұшпайды,
Жұрт айламен,ұстайды.
(Балық.)
***
Ұзын мұртты сарылар,
Қойнында наны бар.
(Бидай сабағы.)
***
Күндіз соқыр не деген?
Түнде қалай көреген?
(Үкі.)
***
Білесін мекен даласын,
Бірден тауып аласың,
Салыр алып дорбаға,
Жүреді ылғи баласын.
(Кенгуру.)

***
Күн ашықта құр тұрамын,
Бұлтты күні қыдырамын.
(Қолшатыр.)
***
Аяқсыз жетіп барады,
Қолсыз есік қағады.
(Жел.)
***
Қос қабыршақ қабысып,
Қарбызға тұр жабысып.
(Құлақ.)
***
Сырты жаз,
Іші қыс.
Бұл не?
(Тоңазытқыш.)
***
Өзі қысқа,
Өзі нұсқа,
Сөз қаймағын есіңде ұста.
(Мақал.)
***
Денесі киізден,
Табаны мүйізден.
(Пима мен галош.)
***
Көзім көрмес бір дарақ:
Он екі бұтақ,
Бір жапырақ.
(Жыл.)
***
Арыстан арқырады,
Орман жарқырады.
(Найзағай.)
***
Азанда шашып тастайды,
Ымыртта жия бастайды.
(Көктемде егу,күзде жинау.)
***
Мұрны жоқ шымшық мұз тесер.
(Тамшы.)
***
Қуып едім-мойнын бұрмады,
Ұстайын деп едім-қолға тұрмады.
(Боран.)
***
Қанаты жоқ-ұшады,
Аяғы жоқ- қашады.
(Жел.)

Мақаланы достармен бөлісу.