Ғарыштың негізін салушы ұлы ғалым Константин Эдуардович Циолковскийдің есімі бүкіл әлемге әйгілі.
К. Э. Циолковский Рязань түбіндегі Ижевск ауылында дүниеге келді. Әкесі орманшы болған. Бала кезінде тамақ ауруымен сыркаттанған Константин Эдуардович біржолата саңырау болып қалады.
Құлағы естімегендіктен бала гимназияда оқи алмайды да, білімін өз бетімен жетілдіреді. Ер жеткен соң мұғалім атағын алу үшін емтихан тапсырып, алдымен Калуга губерниясында, содан соң Калуга каласындағы училищелердің бірінде жұмыс істей бастайды. Міне, осы Калуга мектебіндегі физика мен математика пәнінің мүғалімі өзінің әуеде ұшу, авиация және ғарыш жөніндегі тамаша еңбектерін жазады.

Американдық NASA ғарыш агенттігінің WISE (Wide-field Infrared Survey Explorer) атты орбиталық инфра-қызыл телескопы ғарыш кеңістігіндегі жаңа ашылулар жасады. Бұл жайлы 24-мамырда NASA ғарыш агенттігінің баспасөз қызметі хабарлады.
Ғарыш телескопы ғарышқа шыққалы бергі 6 айдың ішінде аспан әлеміндегі инфра-қызыл диапазонға кіретін аймақтардың 3/4 бөлігін сканерлеген, 1 500 000 кадр шамасындай фотолар түсіріп үлгерген. Соңғы түсіргендерінің арасында “Ғарыштың жүрегі” және “Ғарыштың жаны” деген жаңа объектілер бар. Екеуін сканерлеу кезінде жасалған фото-кадрлардың саны 1 100 екен. Сканерлеу ұзақтығы 3,5 сағат уақытқа созылған.