Қазақ халқында дүние есігін жаңадан ашқан сәбиге қырық күн толғанда “Қырқынан шығару” деген көпке танымал салтты жасайды. Халықтың ертеден келе жатқан түйсігінде дүниеге келген сәби 40 күннің ішінде айналадағы ортаға бейімделіп, жүйке жүйесі қалыптаса бастайды. Адамдардың даусына, айналада болып жатқан құбылыстарға деген сезімталдығы пайда болады. Бұл сәбидің жүйке жүйесі қалыптасып, айналасына бейімделгенін көрсетеді.

Жас аналар мен болашақ аналарға арналады.
Сіз балалы болдыңыз немесе боласыз. Не істеу керек? Ең алдымен ойланатыныңыз, әрине, жас сәбидің күтімі. Нәресте өзі кішкене болғанымен оның қажет ететін күтімі өте үлкен. Бірақ ол нәрестеге қарау қиын дегенді білдірмейді. Нәрестенің ең алғашқы және ең басты күтімі анасының жүрек жылылығы мен мейірімінен, аялы алақанынан басталады. Нәрестеңізге мұндай байлықты, бақытты тек сіз — анасы — ғана бере аласыз. Әрқашан да балаңызға жылы жүзбен қараңыз, оған қарап жымиыңыз. Бар ынтаңызбен көңіл қойып қараңыз. Ол барлығын түсінеді. Сәби деген мақұлық емес.